Pesë të plagosur, pasi autobusi i aeroportit të Bazelit frenoi vrullshëm

Në Bazel, një autobus në linjën 50 duhej të ndalonte urgjentisht, sepse një automjet tjetër po bënte kthesë.

Pesë persona ranë dhe u plagosën kur autobusi i Basel-Stadt frenoi fort pasditen e së premtes. Dy prej tyre duhej të dërgoheshin në spital, shkruan Blick.

Autobusi në linjën 50 po udhëtonte nga aeroporti drejt qytetit kur një automjet kreu një manovër kthese në Lenzgasse, tha policia kantonale e Basel-Stadt. Shoferi i autobusit më pas duhej të fillonte frenimin emergjent.

Drejtuesi i mjetit të panjohur është larguar nga vendi i aksidentit pa marrë parasysh dëmet. Ndaj policia është në kërkim të dëshmitarëve, përcjell albinfo.ch.

 

---