Lajme

Pfizer dhe Biontech aplikojnë për një vaksinë të adoleshentëve

Kompanitë shkruajnë në një njoftim të tyre se një studim i fazës 3 lidhur me këtë vaksinë ka rezultuar i suksesshëm

Deri më tani, fëmijët dhe adoleshentët lejohet të vaksinohen  kundër Covid-19 vetëm në raste të jashtëzakonshme. Asnjë vaksinë nuk është aprovuar ende zyrtarisht për ta.

Tani kompanitë farmaceutike Pfizer dhe Biontech kanë aplikuar në SHBA për aprovimin urgjent të vaksinës së tyre për adoleshentët e moshave 12 deri në 15 vjeç

Kompanitë shkruajnë në një njoftim të tyre se një studim i fazës 3 lidhur me këtë vaksinë ka rezultuar i suksesshëm, transmeton albinfo.ch.

Vaksina gjithashtu po tolerohet mirë nga organizmi i të rinjve dhe është treguar si një përgjigje e fortë e antitrupave.

Pfizer dhe Biontech dëshirojnë të aplikojnë për aprovimin e vaksinës së tyre për fëmijë dhe adoleshentë edhe në vendet e tjera.