Lifestyle

Pink e Rihanna refuzojnë Super bowl

Këngëtarja nga Barbadosi, Rihanna, ka refuzuar mundësinë që të performojë në spektaklin e Super Bowl, kanë shkruar disa nga mediat amerikane, të gjitha duke cituar burime të paemëruara. 

Gazetat kanë shkruar se Rihanna ka refuzuar këtë ftesë që të solidarizohet me futbollistin e Ligës Kombëtare të Futbollit, Colin Kapernick, i cili shkaktoi debat të ashpër në vend, pasi u gjunjëzua gjatë intonimit të himnit amerikan. 

Qysh në shtator flitej se bendi që do të performojë në ngjarjen më të shikuar në SHBA do të jetë Maron 5, dhe e gjithë kjo doli të jetë e vërtetë vetëm pasi Rihanna e ka refuzuar ofertën.

Disa media tëtjera amerikane, krahas kësaj, kanë shkruar se pjesëmarrjen në Super Bowl e kishte refuzuar edhe këngëtarja Pink. 

Sidoqoftë, protesta e futbollistit, i cili edhe e ka paditur ligën, kishte filluar më herët kur ishte mundësia që Donald Trump të bëhej president. Kapernick kishte protestuar kundër dhunës ndaj zezakëve në SHBA.