Po të mos ishte koronavirusi, Dua Lipa sonte do të mbante koncert në Vjenë

Koncerti i yllit shqiptar në Vjenë do të zëvendësohet, por ndoshta vetëm në vitin e ardhshëm.

Pop ylli botëror, Dua Lipa në turneun e saj evropian “Future Nostalgie”, më 19 maj kshte planifikuar të mbante koncert në sallën e qytetit të Vjenës. Por, nga shkaku i pandemisë, ashtu si kudo në botë, edhe në Austri janë ndërprerë të gjitha koncertet dhe ngjarjet e mëdha publike. Kësisoj edhe koncerti i Dua Lipës është anuluar. Interesimi për ta parë  Duan ishte jashtëzakonisht i madh, njofton Albinfo Austria.

Koncerti i yllit shqiptar në Vjenë do të zëvendësohet, por ndoshta vetëm në vitin e ardhshëm.

“Për shkak të koronavirusit, koncertet e planifikuara të Dua Lipës për muajin maj në Evropë u ndërprenë. Koncertet u anuluan në Hamburg, Berlin, Köln, Munih dhe Vjenë. Por Dua duhet të rifillojë t`i mbajë ato koncerte”, thuhet në njoftimin zyrtar të këngëtares Lipa.

Derisa  zëvendësimi i koncertit të Duas në Hamburg dhe Berlin do të mbahet në janar të vitit të ardhshëm, për koncertet në Munih dhe Vjenë po shqyrtohen për të gjetur datat e lira.

Të gjitha biletat e blera paraprakisht mbeten të vlefshme për datat e zëvendësimit.