Bota
Policia arreston emigrantin për vrasjen e një polici në Kaliforni
Një imigrant pa dokumenta, i dyshuar për vrasjen e një polici në shtetin perëndimor të Kalifornisë, është kapur, duke i dhënë fund përpjekjeve dy-ditore për arrestimin e tij.
Vrasja e policit ndodh në një kohë kur qeveria federale është mbyllur pjesërisht për shkak të këmbënguljes së Presidentit Trump që Kongresi të miratoj[ 5 miliardë dollarë fonde për ndërtimin e murit me Meksikën për të ndalur hyrjen e paligjshme të imigrantëve në vend, shkruan VOA, përcjell Albinfo.ch.
Gustavo Perez Arriaga, një shtetas 32-vjeçar i Meksikës, u arrestua të premten.
Policia në Modesto të Kalifornisë publikoi një fotografi të të dyshuarit Arriaga në faqen e saj zyrtare në Facebook, së bashku me fotografitë e dy bashkëpunëtorëve të tij të dyshuar, Ana Leyde Cervantes, 30 vjeç, e përshkruar si e dashura e Arriagës dhe Conrado Virgen Mendoz, vëllai i Arriagës.
Gustavo Perez Arriaga akuzohet për vrasjen e policit Sonil Singh nga qyteti Newman në Kaliforni, pasi ishte ndaluar nën dyshimin për ngarje të makinës nën ndikimin e alkoolit.
Sherifi i distriktit Stanislaus, Adam Christianson fajësoi ligjin e shtetit që strehon imigrantët e paligjshëm, për vdekjen e policit Singh, shkruan VOA, përcjell Albinfo.ch.
“Ne nuk mund të injorojmë faktin se kjo mund të ishte e parandalueshme. Sipas ligjit SB 54 në Kaliforni (që praktikisht e bën Kaliforninë një “vend-strehim të sigurt” duke legalizuar dhe standardizuar politikat e mos-bashkëpunimit mes forcave ligjzbatuese të shtetit dhe autoriteteve federale të imigracionit), pavarësisht dy arrestimeve për ngarje të makinës nën ndikimin e alkoolit dhe disa urdhër-arresteve të tjera aktive për këtë kriminel, forcat e zbatimit të ligjit e kishin të ndaluar ndarjen e informacionit me autoritetet federale të imigracionit në lidhje me këtë anëtar të bandës kriminale.”
Guvernatori i Kalifornisë, Jerry Brown, kundërshtoi pretendimet e Sherifit Christianson se zyrtarët nuk mund të raportonin të dyshuarin Arriaga tek autoritetet e imigracionit.
Zëdhënësi i guvernatorit Brown tha se ligji “lejon plotësisht ndarjen e informacionit për anëtarët e bandave të rrezikshme”.
Polici i vrarë ishte gjithashtu një imigrant, që kishte ardhur në mënyrë të ligjshme në Shtetet e Bashkuara nga Fixhi për të përmbushur ëndrrën e tij për t’u bërë oficer policie.
Incidenti fatal ndodh në mes të mbylljes së pjesshme të qeverisë federale, të shaktuar nga kërkesa e Presidentit Donald Trump që Kongresi të ndajë 5 miliardë dollarë për ndërtimin e një muri në kufirin e SHBA-Meksikë.
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër