Lajme

Policia e Kosovës nuk di për praninë e policëve serb në Veri

E hënë, 27 Dhjetor 2010 - 9:13 albinfo.ch

Policia e Kosovës nuk ka informacione për zbarkim të policëve të Serbisë në veri të vendit. Mediet lokale kishin njoftuar se policë nga Serbia ishin angazhuar përgjatë magjistrales së Ibrit deri në jug të Mitrovicës për sigurinë e eskortës që kalonte përmes Serbisë për në Prizren për të marrë pjesë në shugurimin e Peshkopit Teodosije.

“Për ngjarjen e sotme ekziston plani operacional ku përfshihet edhe veriu. Kemi marrë masat shtesë të sigurisë, ndërsa nuk kemi informata zyrtare për atë që po thoni ju”, ka thënë Avni Zahiti, zyrtar për informim i policisë rajonale të Mitrovicës.