Lajme

Policia nxjerr nga trafiku autobusin e shkatërruar kosovar

Shkak për këtë ka qenë konstatimi i policisë se ai nuk i plotësonte kriteret për të marrë pjesë në trafik

 

Policia në Karlsruhe ka nxjerrënga qarkullimi një autobus udhëtarësh nga Kosova. Shkak për këtë ka qenë gjendja katastrofale e autobusit, gjegjësisht konstatimi i policisë se ai nuk i plotësonte kriteret për të marrë pjesë në trafik, shkruan focus.de.

Ekspertiza e makinës e bërë pastaj, ka konstatuar një sërë mangësish. Përveç tjerash, dyshemeja e autibusit ishte e ndryshkur, disa cilindra të frenave, të dëmtuar, timoni i shkatërruar dhe boshti që rrotullon rrotën, i dëmtuar, transmeton albinfo.ch.

Po kështu, në shumë pjesë të autobusit ekzistonte rreziku i qarkut të shkurtër, ka thënë policia.

Shoferi 48 vjeçar i autobusit përveç që nuk u lejua të vazhdonte më tutje, u detyrua të paguante 2000 euro për sigurim. Një aventurë e kushtueshme për shoferin sidomos kur dihet fakti se në autobus ishin gjithsej gjashtë udhëtarë!