Lajme
Policitë e disa vendeve, marrëveshje për ndalimin e eksodit të kosovarëve
Serbia, Hungaria, Austria dhe Gjermania vetëm të bashkuar mund ta ndalojnë eksodin humanitar
Ndalimi i migrantëve kosovarë për të mësyrë Gjermaninë dhe vendet tjera perëndimore është bërë shqetësim edhe për policinë serbe. Policia e Serbisë, Hungarisë, Austrisë dhe Gjermanisë kanë arritur sot një marrëveshje në Beograd për bashkëpunim më të madh kur është fjala për ndalimin e emigrantëve ilegalë.
Ministri serb i Punëve të Brendshme, Nebojsha Stefanoviq ka bërë thirrje migrantëve nga Kosova që mos t’i shesin pronat e tyre sepse 99 për qind nga ta do të kthehen në shtëpitë e tyre.
Siç raportojnë mediat serbe, Stefanoviq pas takimit me drejtorin e Policisë së Gjermanisë, Diter Roman, drejtorin e policisë hungareze, raporton koha.net, Karol Pap dhe delegacion e policisë nga Austria, ka thënë se në kufirin serbo-hungarez së shpejti bashkë me policinë kufitare, do të fillojë patrullimi edhe i xhandarmërisë.
“Për ta mbrojtur pjesën e gjelbër të kufirit, policia do të rris numrin e pjesëtarëve të saj në kufi me Hungarinë dhe nga sot është kyçur edhe një pjesë e xhandarmërisë”, ka thënë Stefanoviq.
Drejtori i policisë së Gjermanisë ka deklaruar se bisedimet kanë qenë efikase dhe kanë rënë dakord që policia e asnjë shteti nuk ka mundësi që e vetme t’i zgjidhë problemet e migrantëve ilegalë.
“Serbia, Hungaria, Austria dhe Gjermania vetëm të bashkuar mund ta ndalojnë eksodin humanitar”, ka thënë Roman.
Drejtori i policisë hungareze, Karol Pap, është i sigurt se me ndihmën e katër vendeve do të arrihen rezultate të mira. “Kjo do të sjellë më shumë siguri për të gjithë qytetarët tanë”, ka thënë Pap.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale