Politikani shqiptar kishte fshehur paratë në Zvicër

Bëhet fjalë për Andis Harasani, ish-deputet i Partisë Socialiste dhe ish drejtor i Korporatës Elektroenergjetike Shqiptare

Mediat në Tiranë raportojnë se është zbuluar emri i shqiptarit të vetëm në listën e VIP-ave, të zbuluar në listën e “Swissleaks”. Bëhet fjalë për skandalin e fundit financiar botëror, që zbuloi se mijëra personalitete fshihnin paratë e tyre në Zvicër, të fshehur pas sekretit bankar.

Në listë e skandalit në fjalë figuronte edhe Shqipëria, por me vetëm një person në listë, që nuk kishte asnjë cent në konto.

Sipas shpjegimeve të autorëve të investiimit, kjo ka të bëjë ose më faktin se për vendet me më pak se 4 emra nuk jepeshin hollësi, ose edhe me atë se shqiptari i implikuar e kishte për momentin e hetuar llogarinë bosh.