Lajme
Poloni: “Shqipëria, destinacioni i ardhshëm për turizëm, tregti dhe investime”
Është bërë e ditur se diplomacia ekonomike bëri bashkë ekspertë shqiptarë dhe polakë për të diskutuar në Konferencën “Shqipëria destinacioni i ardhshëm për turizëm, tregti dhe investime”, të organizuar nga Ambasada e RSH në Varshavë dhe Ministria për Evropën dhe Punët e Jashtme e Republikës së Shqipërisë, në bashkëpunim me Dhomën e Tregtisë së Polonisë dhe Ministrinë e Zhvillimit Ekonomik të Polonisë dhe me të ftuar nderi Ministrin e Turizmit dhe Mjedisit të RSH-së, Blendi Klosi.
Konferenca u zhvillua në ambientet e Pallatit të Kulturës dhe Shkencës në Varshavë, në kuadër të Panairit Ndërkombëtar “TT Warsaw 2019”, ku ishin prezentë më shumë se 60 kompani tur-operatorë dhe sipërmarrës polakë si dhe tur-operatorë, prodhues dhe përfaqësues të kompanive nga Shqipëria. Konferenca u moderua nga Ambasador Jerzy Drożdż, Drejtor për Bashkëpunimin Ndërkombëtar në Dhomën e Tregtisë së Polonisë.
Ambasadorja Shpresa Kureta hapi punimet e konferencës me një fjalë përshëndetëse, dhe njoftoi lajmin e fillimit të fluturimeve direkte Varshavë-Tiranë të Kompanisë polake LOT, pranverën e ardhshme, për të vijuar më tej me punimet e konferencës në tri panele:
Panelin mbi turizmin, me panelistë kryesorë Ministrin Klosi dhe Presidentin e Dhomës së Turizmit të Polonisë, Paweł Niewiadomski.
Panelin mbi tregtinë me panelistë kryesorë Enea Hoti, Sekretar i Përgjithshëm i Ministrisë së Bujqësisë dhe Zhvillimit Rural të Shqipërisë; Artur Dąbkowski, Zv.Drejtor i Departamentit për Tregtinë Ndërkombëtare në Ministrinë e Zhvillimit Ekonomik dhe Katarzyna Kwiecień, Drejtoreshë e Departamentit të Mbështetjes së Eksportit, pranë Agjencisë Kombëtare për Mbështetjen e Bujqësisë të Polonisë.
Panelin mbi investimet me panelistë kryesorë, Dorina Patuzi, Drejtuese e Departamentit After Care në Agjencinë Shqiptare për Zhvillimin e Investimeve (AIDA); Robert Kasprzak, Drejtori i Menaxhimit të Produkteve në Bankën Kombëtare të Investimeve të Polonisë dhe Konsulli i Nderit i Shqipërisë në Lodz, Paweł Michalak.
Fokusi i këtij aktiviteti ishtë prezantimi i ofertës shqiptare mbi turizmin, shqyrtimi i mundësive reciproke për ritjen e shkëmbimeve tregtare dhe investimeve, prezantimi tek audienca polake e produkteve shqiptare, si verë, vaj ulliri, raki, shegë, lëng shege, bimë medicinale etj., futja e tyre në tregun polak dhe organizimi i takimeve B2B. /Albinfo.ch.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor