Portret i punëtorëve të dalluar

Ardiani “i akullt” ngrohë zemrat e konsumatorëve

Në fillim të vitit  1996, kooperativa zvicerane “Migros Wallis”, në Saas-Fee kishte hapur një filial me sipërfaqe prej 550 m². Me këtë ndërmarrje në fshatin e akullt, “Migros”-i i ka bërë për vete konsumatorët besnikë para 15 viteve dhe ky investim u shpërblye nga ta.

Gjatë kësaj, “Migros”-i në Saas-Fee krijoi dymbëdhjetë vende të reja pune. Nga viti në vit, për çdo ditë në Saas Fee vjen një kamion i “Migros”-it dhe në hyrje të fshatit zbrazë mallin e porositur, ndërsa më pas, ai shpërndahet në brendinë e fshatit me elektromobilë. “Migros”-i  në Saas-Fee është një rast i posaçëm logjistik.

Për tu përkujdesur për një punë speciale në fshatin e akullt, kjo është duke i shkuar përdore edhe drejtorit kosovar Ardian Mziu, me një ekip prej dymbëdhjetë anëtarëve, me përvojë të gjatë pune, në mesin e të cilëve edhe tre praktikantë të rinj, si dhe një student, i cili angazhohet gjatë fundjavës dhe pushimeve semestrale.

Me trajnimin e fuqisë së re vendore, “Migros”-i dëshiron tu japë një rast të rinjve nga rajoni, për një ngritje profesionale. Që nga një janari i këtij viti, Ardian Mziu është drejtor i ri i filialit të “Migros”-it në Saas-Fee. Mziu është një fëmijë i një migranti kosovar, ndërsa babai i tij punon tashmë mbi 30 vite në Zvicër.

Pasi bashkimi familjar ishte mundësuar, Ardiani me nënën e tij dhe fëmijët e tjerë, erdhi në Zvicër në moshën 11-vjeçare. Ai u rritë në Glis dhe Brig. Në atë kohë, largimin nga vendlindja ai e përjetoi shumë rëndë. Duke përkujtuar një retrospektivë dhe me një krenari të caktuar, ai deklaron:

“Unë u integrova shumë shpejt. Për këtë i falënderohem kujdestarit të atëhershëm të klasës dhe trajnerit të fubollit Christian Heinzen, si dhe mësueses së gjuhës Hildegard Lochmatter, e cila u angazhua aq shumë, sa që e mësova shumë shpejt gjuhën dhe u futa në binarë të duhur”.

Qysh para 13 viteve, pas përfundimit të shkollimit të obligueshëm, Ardian Mziu u pranua si praktikant në “Migros”-in në Brig. Pas përfundimit të trajnimit, ai e shfrytëzoi çdo rast për shkollim të mëtutjeshëm dhe punoi në disa filiale, në funksione të ndryshëm, për herë të fundit si udhëheqës i një reparti ushqimor në “Migros” në Brig.

Prindi i ri i dy fëmijëve të mitur, djali i të cilit ka lindur vetëm para pak ditësh, për një kohë të shkurtër ndjehet shkëlqyeshëm në rrethinën e re.

“Një falënderim i madh i takon ekipit, i cili që nga dita e parë më pranoi dhe më përkrahu pa rezrevë. Edhe konsumatorët vendorë janë shumë të afërt dhe të gjithë më përshëndesin ngrohtësisht. Shpirti fshatar është i gjerë dhe të gjithë kanë një qëllim: Që mysafirët ndërkombëtarë në Saas-Fee të kalojnë një pushim të paharruar dhe të frymëzohen që përsëri të vijnë këtu”, përfundon Ardiani për fletushkën e “Migros”-it, i cili në 15-vjetorin e përvojës së punës të arkëtares Elsmarie Noti, asaj ia dhuron një buqetë lulesh.