Lajme
Presidenti i Shqipërisë priti fituesen e çmimit “TechWomen100” në Britani
Një histori suksesi: Arta Cika është vlerësuar me çmimin “TechWoman” në Mbretërinë e Bashkuar
Muaj më parë është bërë e ditur se inxhinierja Arta Cika është vlerësuar me çmimin “TechWoman” në Mbretërinë e Bashkuar. Me rastin e marrjes së çmimit, të cilin ia ka kushtuar Shqipërisë, ajo ka bërë një dedikim prekës për të prekurit nga tërmeti, shkruan albino.ch.
Vlen të theksohet se Arta Cika ka marrë dy diploma Master Shkencor në degën Inxhinieri Informacioni dhe Inxhinieri Kompjuterike nga “Universiteti Politeknik i Torinos” dhe “Telecom ParisTech” në 2015-ën dhe është fituese e bursës IRCN nga Universiteti i Tokios.
Nga ana tjetër, në vitin 2019 ajo u përzgjodh për të marrë pjesë në Shkollën Verore të Sistemeve Komplekse (CSSS) në Institutin “Santa Fe”, SHBA, shkruan albinfo.ch.
Si kandidate PhD në Departamentin e shkencës së inxhinierisë në Universitetin e Oksfordit, Arta është anëtare e Komitetit në shoqatën e grave në fushën e inxhinierisë në Universitetin e Oksfordit dhe pjesë e programit “RisingWISE” (Gratë në Shkencë dhe Inxhinieri). Ka një rol drejtues në “Women in Engineering Society” në Universitetin e Oksfordit.
Ndërkohë, presidenti i Shqipërisë, Ilir Meta, ka pritur sot në Presidencë talenten shqiptare, Arta Cikën, e cila ka fituar çmimin e madh në Britaninë e Madhe.
Këtë e ka bërë të ditur Meta përmes një postimi në llogarinë në Facebook.
“I lumtur të takoja Arta Cikën, një shkencëtare të re dhe fituese të çmimit “TechWomen100” për vitin 2019 në Mbretërinë e Bashkuar, e cila këtë vlerësim ia ka dedikuar Shqipërisë, ku dhe mori dijet e para”, ka shkruar presidenti Meta.
“Frymëzues mesazhi i saj drejtuar të gjithë të rinjve e të rejave shqiptare për të ëndërruar fort dhe për të mos u ndalur në përpjekjet për t’i realizuar ato në Atdheun tonë të dashur”, ka shkruar presidenti Meta.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën