Bota

Princesha Haya mund të dëbohet nga Britania

Princesha Haya Bint al-Hussein, gruaja e sundimtarit të Dubait, Sheikh Mohammed Al Maktoum, është duke u fshehur në Londër dhe ka thënë se ka frikë për jetën e saj.

Ajo u arratis nga Dubai dhe me vete mori disa milionë dollarë.

Sipas mediave britanike, princesha ka kërkuar azil në Britani, por me gjasë ajo do të dëbohet. Sheikh Mohammed, 69 vjeç, e ka akuzuar atë për tradhti.

Princesha Haya, 45-vjeçare, e lindur në Jordani dhe e arsimuar në Britani, u martua me sheikun në vitin 2004, duke u bërë gruaja e tij e gjashtë, transmeton albinfo.ch.

Ndërsa Sheiku Mohammed thuhet se ka 23 fëmijë nga gra të ndryshme. Princesha Haya iku fillimisht këtë vit në Gjermani për të kërkuar azil. Tani thuhet se jeton në një shtëpi në Londër dhe po përgatitet për një betejë ligjore në Gjykatën e Lartë.