Lajme
Gjermani: Prindërit, deri në 20 javë pagesë për kujdesin ndaj fëmijëve
Qeveria gjermane planifikon të kompensojë prindërit deri në 20 javë pagë për humbjen e punës, përderisa janë kujdesur për fëmijët gjatë bllokimit të pandemisë.
Prindërit do të kenë të drejtë të aplikojnë për dhjetë javë të ashtuquajturës “pagesa të pagës sekondare, ndërsa prindërit beqarë do të jenë në gjendje të marrin pagesën për 20 javë, tha të martën ministri i Shëndetësisë, Jens Spahn, për Neue Osnabrücker Zeitung. “Pagesa e pagës sekondare” është një pagesë shtetërore prej 67 për qind e pagës pas taksës për prindërit që nuk kanë qenë në gjendje të punojnë, sepse ata kanë qenë në kujdesje të fëmijëve të vegjël. Pagesa ka një kufi të sipërm prej 2,016 € në muaj, shkruan thelocal.de, përcjell albinfo.ch.
Masa është vendosur të miratohet nga kabineti qeveritar të mërkurën. Njoftimi vjen pasi Spahn, i partisë konservatore CDU të Angela Merkel, u përball me presion të madh nga partnerët e tij të qendrës së majtë të koalicionit në SPD për të bërë më shumë për të ndihmuar familjet të shpëtonin nga kriza.
Ndërsa, shkollat dhe kopshtet nuk ka gjasa të hapen plotësisht njëherë, andaj pagesa shihet si masë për sigurimin e jetesës së familjeve të reja në të ardhmen e parashikueshme. “Kjo u jep njerëzve sigurinë e nevojshme në kohë të pasigurt”, tha Spahn. “Prindërit që punojnë aktualisht kanë një barrë të rëndë. Për sa kohë që kopshtet dhe shkollat nuk janë rihapur me besueshmëri për të gjithë, shumë do të kenë nevojë për mbështetjen tonë”. Ndërkohë, politikanët në partitë e opozitës thonë se mënyra më e mirë për të ndihmuar prindërit është një rihapje më e shpejtë e shkollave.
Shkollat dhe qendrat e kujdesit ditor në gjithë Gjermaninë u mbyllën për shkak të pandemisë së koronës gjatë gjithë muajve mars dhe prill. Që nga fundi i prillit, shkollat kanë filluar ngadalë të rihapen, përcjell tutje albinfo.ch.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Mërgimtari nga Suhareka vdes në një aksident tragjik në Itali
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën