Gjuha
Prindërit nuk i dërgojnë fëmijët për të mësuar shqipen
Naser Iseni, Murat Ademi dhe Arianda Zeka, këshilltarë në Ecublens, në Kantonin Vaud, janë duke trokitur derë më derë nëpër familjet shqiptare në këtë komunë për t’i senzibilizuar prindërit që t’i dërgojnë fëmijët në shkollën shqipe.
Këshilltarët komunalë me origjinë shqiptare po bëjnë përpjekje për të hapur për herë të parë dy paralele të mësimit plotësues në gjuhën shqipe, por kanë hasur në padëgjueshmërinë e prindërve, të cilët hezitojnë t’i dërgojnë fëmijët e tyre të mësojnë shqipen, shkruan albinfo.ch.
Deri tani me shumë vështirësi kanë mbledhur vetëm 20 nxënës, por nuk mjaftojnë për hapjen e dy paraleleve me mësim në gjuhën shqipe.
Naseri Iseni, këshilltar komunal në Ecublens, tha se janë të zhgënjyer me mosintersimin e prindërve për t’i dërguar fëmijët e tyre në shkollën shqipe.
Ai tha se kanë bërë kërkesë në komunë për të siguruar hapësira shkollore, ku do të zhvillohet mësimi i gjuhë shqipe, por nuk po arrijnë ende të kompletojnë numrin e nxënësve shqiptarë.
“Të gjithë Xherdan Shaqira nuk mund të bëhen në Zvicër. Arsyetimi i prindërve është zakonisht se fëmijët e tyre po ushtrojnë futboll, ndërsa niveli i shqipes është në nivelin më të ulët. Fëmijët fare nuk dinë të komunikojnë në shqip”, tha për albinfo.ch Iseni.
“Nuk mund të ketë bazë as arsyetimi financiar, ngase prindërit paguajnë vetëm 40 franga në muaj për fëmijët e tyre, shumë simbolike”, tha Iseni.
Ecublens është qyteti i 10-të i kantonit Vaud. Më herët ishte konsideruar si fshat, ndërsa tash ka marrë primatin e qytetit.
Në këtë komunë, me 13 mijë banorë, jozyrtarisht thuhet të jetojnë rreth 700 banorë shqiptarë.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve