Lajme
Prishtinë, vetura me targa zvicerane përfshihet në një aksident të rëndë
Vetëaksidentohet në qendër të Prishtinës, këput tre drunj dhe përplaset për muri
Raportohet se një aksident i rëndë trafiku ka ndodhur rreth orës 1 e 20 minuta të mërkurën pas mesnate në rrugën “Agim Ramadani” në Prishtinë, përcjell albinfo.ch.
Raporti i policisë tregonë se një veturë me targa zvicerane, e cila po vinte në anën e rrugës që sjell nga konviktet për te objekti i Parlamentit të Kosovës, në momentin kur ka arritur mbrapa Teatrit Kombëtar ka devijuar, duke dalë në anën tjetër të rrugës dhe ka vazhduar në trotuar duke këputur tre drunj. Më pas sërish është kthyer në anën tjetër të rrugës dhe është përplasur në murin e objektit të restorantit Che Afrodita.
Ndërkohë që dëshmitarët që kanë rastisur në rrugë në momentin e aksidentit, i kanë thënë Gazetës Online Reporteri.net, se vetura ka ardhur me shpejtësi të madhe të përplaset fillimisht me drunjtë e më pas në muri.
Thuhet se personat që kanë qenë në veturë, sipas dëshmitarëve nuk kanë marrë lëndime të rënda, pasi kanë arritur vetë të dalin nga vetura, edhe pse automjeti është dëmtuar rëndë.
Në vendngjarje, sipas fotove që ka siguruar gazeta reporteri, shihet të kenë dalë edhe ekipet emergjente, përveç atyre të policisë.
Rruga ku ka ndodhur aksidenti është jashtëzakonisht e frekuentuar nga vetura dhe këmbësorë, por ka qenë koha e vonë dhe fati që në atë moment të mos ketë prezencë të automjeteve dhe njerëzve të tjerë që do të mund të pësonin nga mjeti që kishte humbur kontrollin shkaku i shpejtësisë së madhe.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut