Lajme
Pse shkrirja e akullnajave ndikon tek të gjithë?
Akullnajat alpine mund të zhduken deri në fund të shekullit
Pasojat do të ndihen jo vetëm në malet e Zvicrës, por në gjithë Evropën.
Që akullnajat po shkrihen nuk është asgjë e re: që nga viti 1850 vëllimi i akullnajave alpine është ulur me rreth 60%. Megjithatë, ajo që është befasuese është ritmi me të cilin “gjigantët” alpinë po tkurren, përcjell albinfo.ch.
“Tërheqja e akullnajave po përshpejtohet”, thotë Daniel Farinotti, një glaciolog në institutin federal të teknologjisë ETH Cyrih dhe anëtar i komitetit drejtues të GLAMOS, rrjeti zviceran i monitorimit të akullnajave.
Një studim i publikuar këtë verë arrin në përfundimin se akullnajat zvicerane humbën gjysmën e vëllimit të tyre midis 1931 dhe 2016 dhe një 12% të mëtejshëm midis 2016 dhe 2021.
Viti 2022 ishte i jashtëzakonshëm. Ekzistojnë në thelb tri arsye për tërheqjen e fortë të akullnajave këtë vit, sipas ekspertëve. Njëra është reshjet e pakta të borës në dimër dhe pranverë. Një tjetër është rëra nga shkretëtira e Saharasë që shpërtheu deri në Zvicër midis marsit dhe majit dhe u depozitua në akull dhe borë. Bora e kontaminuar thithi më shumë energji diellore dhe shkrihej më shpejt. Së fundi, vala e jashtëzakonshme e të nxehtit të verës rezultoi në temperatura rekord edhe në lartësi të mëdha.
Vera e vitit 2022 ishte e dyta më e ngrohta në Zvicër që nga fillimi i matjeve në 1864. Më 25 korrik, linja zero gradë – lartësia në të cilën temperatura shkon në minus – u regjistrua në një lartësi prej 5,184 metrash. Rekordi i mëparshëm (5,117 metra) ishte më 20 korrik 1995, përcjell tutje albinfo.ch.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?