Lajme

Punuan ilegalisht, arrestohen shtatë kosovarë nga policia e Zvicrës

Gjatë një kontrolli pune që nuk ishte e deklaruar në Kleinbasel, Zyra e migracionit dhe policia kantonale gjetën shkelje të shumta.

E enjte, 7 Prill 2022 - 9:30 albinfo.ch

(KEYSTONE/Salvatore Di Nolfi)

Në çdo shtet evropian, përfshirë edhe Zvicrën, punët ilegale, të padeklaruara, dënohen rreptësisht, shkruan albinfo.ch.

Lidhur me këtë temë, 7 kosovarë janë arrestuar nga policia zvicerane.

E gjitha ndodhi gjatë një kontrolli pune që nuk ishte e deklaruar në Kleinbasel dhe gjatë kontrollimit Zyra e migracionit në Bazel dhe Policia kantonale gjetën shkelje të shumta.

Zyrtarisht janë arrestuar shtatë kosovarë dhe një person me shtetësi serbe që tashmë është dëbuar nga Zvicra dhe nuk do t’i lejohet hyrja më në këtë shtet. Referuar Departamentit të Drejtësisë dhe Sigurisë së Bazelit, këtyre personave tashmë u ishte shqiptuar ndalesa nga disa kantone të tjera dhe ishin shpallur në kërkim. Ende nuk dihet për vendimin përfundimtar. /Albinfo.ch