“Pushtohet” Konsullata e Bregut të Fildishtë në Gjenevë

Protestuesit kanë zëvendësuar portretin e presidentit të shkarkuar Lorent Gbagbo me atë të presidentit të ri, Ouattara

Sot, rreth 20 simpatizantë të Alassane Ouattara, kryetarit të zgjedhur rishtas të Bregut të Fildishtë pasi kanë demonstruar para konsullatës së këtij shteti në Gjenevë edhe kanë depërtuar me forcë në lokalet e saj. Me të hyrë, ata kanë zëvendësuar portretin e presidentit të shkarkuar Laurent Gbagbo me atë të presidentit të ri, Ouattara, njofton SF1.

Sulmuesit kanë lëshuar ndërtesën e konsullatës vetëm pas negociatave të zhvilluara me policinë e Gjenevës.

Protesta kundër, tashmë ish kryetarit të Bregut të Fildishtë, ka pasur sot edhe para Ambasadës së këtij shteti në Bernë. Të dy përfaqësitë diplomatike gjatë kësaj kohe kanë qenë të zbrazëta, për faktin se diplomatët aktualisht po qëndrojnë në atdhe.