Putini i tërheq 25 miliardë dollarë nga bankat

Putini njoftoi një plan shpenzimesh prej 400 miliardë dollarësh për sektorët, përfshirë infrastrukturën, strehimin dhe shëndetësinë.

Ministria e Financave në Rusi tërhoqi 25 miliardë dollarë nga dy bankat kryesore në vend gjatë muajit dhjetor, në kuadër të një programi stimulimi të urdhëruar nga presidenti Vladimir Putin, raporton Reutersi.

Në maj të vitit 2018, menjëherë pas rizgjedhjes së tij, Putini njoftoi një plan shpenzimesh prej 400 miliardë dollarësh për sektorët, përfshirë infrastrukturën, strehimin dhe shëndetësinë. Kjo sipas tij, për të çuar ekonominë ruse në pesë më të mirat në botë deri në vitin 2024.

Por, projekti hasi në vështirësi dhe muajin e kaluar Putini emëroi një qeveri të re për t’u përqëndruar në realizimin e qëllimeve strategjike.

Ministria e Financave në dhjetor tërhoqi 868 dhe 684 miliardë dollarë, përkatësisht nga bankat Sberbank dhe VTB.

Në të njëjtën kohë, shpenzimet buxhetore u rritën në 3.3 trilionë dollarë nga 1.4 trilionë në nëntor, sipas të dhënave të Ministrisë së Financave.

Në janar, Raiffeisenbank-a, pasi analizoi të dhënat e Bankës qendrore, nxori në pah një rënie të ngjashme në fondet e ministrisë, të depozituara pranë bankave, duke thënë se nevoja për të shpejtuar në shpenzimet strategjike ishte arsyeja kryesore.

---