Qendra për onkologji pediatrike nga Holanda mbështet QKUK-në

Në takim është biseduar në lidhje me mundësitë e përkrahjes që ka profesor Kaspers dhe ekipi mjekësor nga Holanda për repartin e Hemato-Onkologjisë pediatrike në QKUK

Drejtori i Përgjithshëm i Shërbimit Spitalor dhe Klinik Universitar i Kosovës, Basri Sejdiu, ka pritur në takim pune profesor Gert Jan Kaspers nga Qendra për onkologji pediatrike “Princess Maxima“ në Holandë, bashkë me stafin tjetër mbështetës.

Në takim është biseduar në lidhje me mundësitë e përkrahjes që ka profesor Kaspers dhe ekipi mjekësor nga Holanda për repartin e Hemato-Onkologjisë pediatrike në QKUK.

Kaspers tha se Qendra për onkologji pediatrike “Princess Maxima“ në Holandë, bashkë me Fondacionin Care for Kosovo Kids kanë mundësi të mbështesin stafin shëndetësor në edukim dhe subspecializim, në mënyrë që pas trajnimit ato njohuri t’i aplikojnë te fëmijët e Kosovës. Po ashtu, ai tha se do të shikojnë edhe forma të tjera të ndihmesës në mënyrë që shërbimi për fëmijët e diagnostikuar të jetë sa më i kompletuar.

---