Lajme
Qeveria austriake planifikon kufizim të lëvizjes nga ora 20:00 deri në orën 06:00
Përveç rasteve të obliguara, të tjerët nuk do të guxojnë të dalin nga shtëpia ora 20:00 e natës deri në orën 06:00 të mëngjesit
Numri i rasteve të reja të personave të infektuar me koronavirus në Austri çdo ditë e më shumë është duke thyer rekorde. Vetëm gjatë ditës së premte, të dhënat nga Ministria e Shëndetësisë kanë treguar se numri i të infektuarve brenda 24 orësh ka arritur në 5.627 raste.
Tashmë duket se Ministria e Shëndetësisë ka përgatitur planin e ri të masave i cili do të bëhet i ditur ditën e shtunë. Ndërkohë, gazeta heute.at, ka arritur të sigurojë një kopje të draftit prej dhjetë faqesh., përcjell Albinfo Austria.
Sipas draftit të përgatitur të cilin e ka botuar gazeta, përveç masave tjera rigoroze, si pikë kryesore është kufizimi i orëve të lëvizjes. Përveç rasteve të obliguara, të tjerët nuk do të guxojnë të dalin nga shtëpia ora 20:00 e natës deri në orën 06:00 të mëngjesit.
Ky plan pritet të zbatohet deri më datën 30 nëntor. Mirëpo ende nuk është bërë e ditur se kur do të hyjë në fuqi kjo rregullore, nga e hëna (2 nëntor) apo nga e mërkura (4 nëntor).
“Se kur do të fillojë zbatimi i masave në draft është e shënuar me “x”. Por, për të gjitha detajet do të njoftojë qeveria të shtunën rreth orës 16:30”, shkruan heute.
Sipas mediave austriake, këtë herë nuk do të ketë mbyllje totale, për dallim nga rasti i muajit mars. Shkollat do të vazhdojnë të jenë të hapura, floktoret, po ashtu. Ndërkohë pritet të mbyllen të gjitha aktivitetet kulturore, sportive dhe aktivitetet e kohës së lirë. Mbyllje do të ketë edhe për lokalet e jetës së natës.
Puna nga shtëpia (Home Office), rekomandohet që sipas mundësive të vazhdohet.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën