Qeveria e Zvicrës ka ulur parashikimet për numrin e refugjatëve nga Ukraina

Ajo pret 17,500 aplikime për statusin e mbrojtjes S deri në fund të vitit ndërsa në fillim të vitit pritej të ishin 25,000

Qeveria Federale e Zvicrës ka rishikuar parashikimin e saj për numrin e refugjatëve nga Ukraina, duke e ulur këtë numër. Kështu, Sekretariati Shtetëror për Migracionin SEM pret 17,500 aplikime për statusin e mbrojtjes S deri në fund të vitit, transmeton albinfo.ch.

Ndryshimi i parashikimit konsiston në faktin se në fillim të vitit pritej të ishin 25,000 refugjatë.

Megjithëse analizat tregojnë se lufta ka gjasa të vazhdojë për një kohë të gjatë, nuk pritet që linjat e frontit të ndryshojnë ndjeshëm, thotë për srf.ch zëdhënësi i SEM, Samuel Wyss.

Megjithatë, Qeveria Federale dhe kantonet duhet të përgatiteshin ende edhe për një skenar të mundshëm, sipas të cilit Rusia fiton një territor të madh ose në rast kolapsi të furnizimeve në Ukrainë, gjë që do të rezultonte në zhvendosjen e njerëzve.

 

---