Lajme

Qeveria e Zvicrës po e diskuton daljen nga Gjendja e Jashtëzakonshme

"Sa më shpejt që të jetë e mundur, kjo do të thotë se jemi në përgatitje e sipër. Kur bëhet fjalë për kufijtë, qëllimi është të jemi në gjendje të garantojmë një kalim në ligjin e zakonshëm"

Çështja më e rëndësishme që u shtrua në konferencën e sotme për media në Bernë ishte: Kur do t`i japë fund Këshilli Federal gjendjes së jashtëzakonshme, të shpallur rreth dy muaj më parë për shkak të pandemisë së koronavirusit, shkruan albinfo.ch.

Ministri i ekonomisë Guy Parmelin, i pranishëm në këtë konferencë është përgjigjur “Këshilli Federal do të zhvillojë diskutime të rëndësishme javën e ardhshme. Ne duam të dalim nga gjendja e emergjencë sa më shpejt që të jetë e mundur, këto janë debatet që ne i zhvillojmë vazhdimisht”, raporton srf.ch.

Ndërsa ministri Berset ka shtuar: “Sa më shpejt që të jetë e mundur, kjo do të thotë se jemi në përgatitje e sipër. Kur bëhet fjalë për kufijtë, qëllimi është të jemi në gjendje të garantojmë një kalim në ligjin e zakonshëm, transmeton albinfo.ch Por gjithashtu duhet të themi: Për momentin, gjendja e shpallur e jashtëzakonshme do të mbetet.

Berset gjithashtu ka thënë se, në rast se do të ketë një valë të dytë të pandemisë, ne do të jemi shumë më të përgatitur. Kemi marrë mësimet e nevojshme. “Kanë qenë zhvillimet shumë të shpejta të situatës që na kanë detyruar të merrnim vendimin për shpalljen  e gjendjes së jashtäzakonshme”, ka përfunduar ministri.