Kosova

Qeveria reagon për ndalimin e deputetit serb në Merdar

Qeveria e Republikës së Kosovës ka thënë se me shqetësim ka pranuar sot informatën se në vendkalimin kufitar në Merdar, është ndaluar pa asnjë arsye nga policia serbe deputeti i Republikës së Kosovës, Slobodan Petroviq, dhe se i njëjti është mbajtur për orë të tëra në këtë vendkalim.

“Qeveria e Republikës së Kosovës deklaron se kjo nuk është hera e parë që qytetarët e Republikës së Kosovës, posaçërisht ata të komunitetit serb, që punojnë nëpër institucionet e Kosovës të janë subjekt i hetimeve, keqtrajtimeve dhe fyerjeve nga autoritetet serbe”, thuhet në reagimin e qeverise. 

Qeveria e Republikës së Kosovës e ka quajtut të patolerueshëm rastin e sotëm dhe kërkon që këto praktika nga ana e Serbisë të ndërpiten sa më shpejt dhe që në të ardhmen asnjë qytetar i Kosovës, nga asnjë përkatësi etnike, të mos ketë problem të tilla.

“Serbia duhet ta kuptojë njëherë e mirë se situata të tilla nuk i kontribuojnë fqinjësisë së mirë”, thuhet tutje në reagim.