Qeveria tejkalon kompetencat ekzekutive

Vendimi i qeverisë për formimin e Këshillit Konsultativ për Drejtësi, i cili i obligon drejtuesit e gjyqësorit të jenë pjesë e këtij këshilli, i cili drejtohet nga zëvendëskryeministri Hajredin Kuçi, është ndërhyrje direkte në punën e gjykatave dhe prokurorive si dhe është në kundërshtim me Kushtetutën e vendit, shkruan gazeta Zëri.

Ky vendim i cili ka hyrë në fuqi nga 1 qershori, ka hasur në “rezistencë” nga drejtuesit e gjyqësorit.

“Nuk mund të urdhërohet nga qeveria një institucion siç është Këshilli Gjyqësor i Kosovës për shkak se me Kushtetutë është i pavarur”, thotë kryetari i Gjykatës Supreme të Kosovës, Fejzullah Hasani.