Kosova

Kosovë: Qeveria tërheq projektligjin për financimin e partive politike

Qeveria e Kosovës e ka tërhequr Projektligjin për Financimin e Subjekteve politike dhe për Zgjedhje të Përgjithshme në Republikën e Kosovës, përcjell albinfo.ch.

Kështu ka bërë të ditur kryeministri Ramush Haradinaj, mas mbledhjes së sotme të qeverisë.

“Pas rekomandimit të Shoqërisë civile për ndryshimet e pësuara në Komisionet Parlamentare, miratuam vendimin për tërheqjen e Projektligjit për Financimin e Subjekteve politike dhe për Zgjedhje të Përgjithshme në Republikën e Kosovës”, ka njoftuar Haradinaj.

Vlen të ceket se ky projektligj ishte kundërshtuar nga organizatat e Shoqërisë civile në Kosovë.