Feja

QSHIKR dënon aktin terrorist në Barcelonë

"Vrasja e njerëzve tinëzisht dhe në pabesi është akt i luftuar dhe i pa pranueshëm me të gjitha mësimet dhe porositë e dala nga mësimet e librit tonë të shenjtë Kuranit, dhe këshillat e të dërguarit tonë"

Qendra Shqiptare për Integrim , Kulturë dhe Religjion në Lozanë, dënon aktin terrorist të ndodhur ditë më parë ndaj qytetarëve dhe kalimtarëve të pafajshëm në qytetin e Barcelones.

Kjo ngjarje, si dhe të tjerat të ngjashme, të ndodhura më herët, sa vinë  dhe i përforcojnë deklarimet tona të mëhershme se, terrorizmi nuk njeh Zot e as fe.

Vrasja e njerëzve tinëzisht dhe në pabesi është akt  i luftuar dhe i pa pranueshëm me të gjitha mësimet dhe porositë e dala nga mësimet e librit tonë të shenjtë Kuranit,  dhe këshillat e të dërguarit tonë.

Shprehim solidarizim të thellë me familjarët e viktimave, duke lutur Zotin, që ngjarje të tilla të mos përsëriten askund në botë”, thuhet në reagimin e QSHIKR.