Rakiq, i zhgënjyer me Apostolovën

Ditë më parë zyra e BE-së në Kosovë njoftoi se nuk do t’ia ndajë komunës së Mitrovicës së veriut ndihmën e premtuar financiare prej 7.8 milionë eurosh, pasi që kjo e fundit nuk ka arritur t’i largojë objektet e ndërtuara pa leje

Goran Rakiq kryetari komunës veriore të Mitrovicës, përmes një deklarate për shtyp i ka kërkuar përfaqësueses së Bashkimit Evropian (BE) në Kosovë, Natalya Apostolova, që ta bëjë publik dokumentacionin e marrëveshjes për rivitalizimin e urës dhe ndërtimin e ndërtesës së Universitetit.

“Procedura komplete e tenderit, financat dhe projekti ka kaluar nëpërmes zyrës së Apostolovës, prandaj dëshirojmë që ato marrëveshje të bëhen publike, sepse nuk duam që të bëhemi pjesëmarrës në hapat e gabuar të Apostolovës për të cilët jam i sigurt se nuk e ka mbështetjen e Brukselit zyrtar”, ka thënë Rakiq në  deklaratën e tij.

Ditë më parë zyra e BE-së në Kosovë njoftoi se nuk do t’ia ndajë komunës së Mitrovicës së veriut ndihmën e premtuar financiare prej 7.8 milionë eurosh, pasi që kjo e fundit nuk ka arritur t’i largojë objektet e ndërtuara pa leje në hapësirat ku do të ndërtohej një qendër universitare, kulturore dhe administrative.