Rama takon deputetin shqiptar të Parlamentit të Serbisë

Deputeti i zgjedhur shqiptar në Parlamentin e Serbisë, Shaip Kamberi, përfaqësues i Luginës së Preshevës, u pritën sot në Tiranë nga kryeministri Edi Rama.

Kamberi njoftoi përmes rrjeteve sociale se gjatë takimit ka njoftuar Ramën me kërkesat, të cilat në emër të Koalicionit të Shqiptarëve të Luginës së Preshevës ia ka dorëzuar Presidentit të Republikës së Serbisë, transmeton Albinfo.ch.

“Në Tiranë sot takova Kryeministrin e Republikës së Shqipërisë, Edi Rama dhe Kryetarin e Grupit Parlamentar të PS-së, Taulant Balla. I njoftova me kërkesat të cilat në emër të Koalicionit të Shqiptarëve të Luginës së Preshevës ia dorëzuam Presidentit të Republikës së Serbisë. Nga Kryeministri Rama kërkova angazhim dhe mbështetje për realizimin e kërkesave legjitime të shqiptarëve të Luginës”, shkroi Kamberi.