Reagojnë mjekët nga Diaspora: Të mos përdoret “Ivermektina” për trajtimin e personave me Covid

Maqedonia e Veriut ka filluar të përdorë “Ivermektinen” për trajtimin e personave me Covid, prandaj ka pasuar një reagim i Mjekëve nga diaspora, të cilët sugjerojnë që ky ilaç të mos përdoret për trajtimin e këtyre personave

Në një video mesazh nga Federata e Mjekëve nga Diaspora thuhet se para disa ditësh Maqedonia e Veriut ka filluar të përdorë “Ivermektinen” për trajtimin e personave që prekën nga koronavrusi. Preparati i cili njihet për trajtimin e paraziteve dhe zgjebës gjendet tashmë në çdo farmaci me një çmim të ulët, por mjekët në Evropë thonë se kjo është e ndaluar të përdoret nga OBSH, transmeton albinfo.ch.

Aurora Meta-Dollenberg, mjeke në Gjermani dhe kryetare e Federatës “AMFE”, është e njohur për të gjithë, pasiqë gjatë gjithë kësaj kohe pandemie ka dhënë kontributin e saj për vendlindjen, qoftë përmes këshillave, platformave dhe protokolleve të ndryshme.

Ajo gjatë karrierës së saj ka kryer tri specializime në Gjermani si Specialiste e Mjekësisë së Familjes, pasaj edhe e Mjekësisë së Urgjencës dhe Psikoterapisë.

Në një video mesazh ajo tregon se “Ivermektina” është një medikament që sulmon në mënyrë masive melçinë dhe veshkat, deri në isuficen hepatike ose renale, prandaj si pasojë e këtyre efekteve shumë të rrezikshme për shëndetit, edhe OBSH-ja e strukturat e tjera mjekësore e kanë ndaluar për trajtimin e virusit Covid.

“Evidencat klinike thonë se ka pasur në rastet e pacientëv në Afrikë dhe përmirësime, por duke qenë se kostoja që paguan pacienti me shëndetin e vete është shumë e lartë në Evropë, është përdorur ky medikament. Duhet theksuar se është e ndaluar nëse Maqedonia e ka bërë këtë, duhet të marr parasysh edhe efektet anësore dhe t’u përgjigjet pacientëve për të gjithë komplikacionet e mundeshme që mund të shfaq edhe në aspektin juridik”, thotë Aurora Dollenberg.

Nga ana tjetër, sipas saj, Shqipëri aktualisht po përdor për trajtimin e të sëmuarve me Covid skema të miratuara nga Organizata Botërore e Shëndetësis dhe që ndiqet në gjithë Evropën. /Albinfo.ch

---