Maqedonia
Rebelizëm në BDI, katër deputetë pritet të largohen nga koalicioni me Zaevin?
Thuhet se shkaku i rebelizmit në BDI ka qenë reagimi i Ramiz Merkos nga Struga, aty ku po sfidohet nga Ziadin Sela
Marrëveshja për koalicion në balotazh ndërmjet Lëvizjes Besa dhe Aleancës për Shqiptarët, ku të dy partitë do të mbështesin njëra-tjetrën në rrethin e dytë zgjedhor më 29 tetor kundër BDI-së, ka shkaktuar tronditje të thellë në partinë që e drejton Ali Ahmeti.
Sipas një burimi brenda BDI-së, mësohet se kacafytjet kanë arritur pikën e vlimit, e ku si fajtor kryesor i situatës së krijuar përmenden inatet personale dhe imponimi i Ramiz Merkos për të kandiduar për qytetin e Strugës, përkundër mospajtimit dhe kundërshtimit të shumicës së anëtarëve të kryesisë së BDI-së.
Sipas të dhënave që i solli i njëjti burim, mësohet se katër deputetë brenda BDI-së tanimë janë rebeluar dhe presin epilogun e zgjedhjeve dhe janë të gatshëm të kalojnë në anën e koalicionit të sapo formuar “Aleancës me Besë” dhe sipas të gjitha gjasave menjëherë pas përfundimit të zgjedhjeve pritet riformatimi i qeverisë në Shkup, raporton lajmi.
Nëse këta katër deputetë të BDI-s largohen nga Zaev, atëherë në vend të tyre pjesë e qeverisë do të jetë edhe Lëvizja Besa, si pjesë e përbashkët e koalicionit të ri.
Ndryshe, ditë më parë, Aleanca për Shqiptarët e përfaqësuar nga Zijadin Sela dhe Lëvizja BESA e përfaqësuar nga Bilall Kasami kanë arritur marrëveshje bashkëpunimi për balotazh, duke i dhenë njëra-tjetrës mbështetje në raundin e dytë zgjedhor.
“Duke u nisur nga vullneti i lirë për të respektuar kërkesën e popullit shqiptar në Maqedoni, si dhe duke e dëgjuar kërkesën e opinionit vullnetmirë në vend, partitë politike shqiptare: Zotohemi se në raundin e dytë të zgjedhjeve lokale në Maqedoni do të bashkëpunojmë në interes të votuesit shqiptar në Maqedoni, duke i ofruar koalicion që e mundëson fuqizimin dhe maksimalizimin e votës shqiptare, por edhe që e pengon mundësinë që të tjerët t’i përcaktojnë fituesit e komunave shqiptare”, thuhet në Marrëveshje.
Të tjera nga Maqedonia
E-Diaspora
-
Ambasada e Kosovës në Austri u bën thirrje mërgimtarëve që të regjistrohen Ambasada e Kosovës në Austri u ka bërë thirrje mërgimtarëve që të regjistrohen, përcjell albinfo.ch. Siç...
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
-
Osmani: Shqiptarët e Amerikës, ura më e fuqishme e aleancës Kosovë-SHBA
-
Besa Kokëdhima ndez skenën e Eurovision-it në Malmo të Suedisë
Jeta në Zvicër
-
Ky rajon në Zvicër pritet të emërohet me emër të ri ‘Bernese Jura, një zonë frëngjishtfolëse me një popullsi prej 50,000 banorësh, e vendosur në një nga...
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
Nemo performoi për Zvicrën në Eurovision
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime