Lajme
Redi Zyka, aktori shqiptar me shumë suksese në Kanada
Aktori shqiptar, Redi Zyka, jeton prej vitit 2001 në Alberta, Kanada, ku dhe ushtron profesionin e tij, shkruan albinfo.ch.
Zyka ka arritur të depërtojë në kinematografinë kanadeze, ndonëse deri më tani në role të vogla.
Ai ka marrë kurse trajnimi për aktor dhe fillimet në kinema i ka nisur si figurant, pastaj edhe me role në dialog etj.
“Karriera ime si aktor filloi në vitin 2016, fillimisht si aktor figurativ dhe gradualisht me role kryesore. Kam realizuar 4 filma të plotë me metrazh të gjatë dhe shumë filma me metrazh të shkurtër, si dhe reklama, photoshooting etj.”, tregon Zyka për pjesëmarrjen e tij në projekte të ndryshme.
Ai ka luajtur në film e quajtur “Elons Revenge”, ku ai luan rolin e Elonit, protagonisti i filmit.
“Kam studiuar dhe jam trajnuar në fushën e aktrimit për televizion rreth 6 vjet tani. Filmi më i mirë, që më pëlqen më shumë deri tani është një film me metrazh të shkurtër që quhet “The Albanian Eagle””, thotë aktori.
Ajo çka e bën aktorin Zyka të ndihet krenar është fakti që ka ngjitur hapat e tij të karrierës në Kanada, ku sipas tij, nuk dallohen shumë aktorë me origjinë shqiptare.
“Një shqiptar që ka ecur këtu shihet me sy të mirë, sepse unë jam i pari në këtë shtet dhe jo shumë aktorë shqiptarë janë aktivë në Kanada, me sa di unë. Unë po i jap vëmendje Shqipërisë këtu në Kanada duke e përmendur dhe e përfaqësuar, por edhe po u jap vëmendje filmave kanadezë ndërmjet mediave shqiptare”, tregon Zyka për rolin e tij të ndërsjellë përfaqësues midis të dy shteteve.
Aktrimi mund të duket aq bukur kur jeni duke ngrënë kokoshka para ekranit tuaj të madh, por për aktorët e vërtetë është një profesion mjaft i vështirë, duke marrë parasysh vështirësitë gjatë xhirimeve, orët e zgjatura, përsëritjet e një skene shumë herë dhe këto kohët e fundit, për aktorët, është shtuar edhe pandemia.
“Jam përballur me shumë situata të vështira, edhe me shumë sakrifica si, për shembull, të udhëtoja larg, të lija familjen mbrapa etj.”, shprehet Zyka.
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Zvicër
-
Zvicra kalon në finalen e Eurovision, Shqipëria nuk e merr ‘biletën’ Zvicra është kualifikuar në finalen e madhe të Eurosong 2024 përkrah vendeve tjeta finaliste të cilat...
-
Nemo performoi për Zvicrën në Eurovision
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë