Kosova

Referendumi i Serbisë nuk mbahet në Kosovë

Këtë të dielë në Serbi u zhvillua një referendum për ndryshime kushtetuese. Me gjithë kërkesat e Beogradit, por edhe të komunitetit ndërkombëtar, qeveria e Kosovës nuk lejoi që ai të mbahej edhe në territorin e saj.

Në veri të Mitrovicës në mëngjes pati një protestë të serbëve. Në disa pika u vendosën forcat speciale të Kosovës në rast të tensionimit të situatës.

Edhe presidenti serb Aleksandër Vuçiç tha se pas këtij vendimi të qeverisë në Prishtinë do të ketë pasoja të mëdha. Serbëve të Kosovës iu kërkua të votonin në 4 qytete serbe në anën tjetër të kufirit.

Referendumin e Serbisë duket se e kanë bojkotuar edhe shqiptarët e Preshevës dhe Bujanocit ku raportohet një pjesëmarrje mjaft e ulët. Në shumë qendra nuk ka pasur asnjë votë në kuti. Referendumi i organizuar qeveria serbe ka të bëjë më sistemin e drejtësisë, ku parashikohet që gjyqtarët të mos zgjidhen më nga parlamenti.


LAJME INTERESANTE NGA INTERNETI