Lajme
Regjistrim i detyrueshëm për të gjithë klientët e lokaleve hoteliere në Vjenë
Qeveria e Vjenës ka udhëzuar një kërkesë për të regjistruar të gjithë mysafirët që vizitojnë lokalet e hotelerisë në Vjenë. Regjistrimi i klientëve është i detyrueshëm dhe vlen nga 28 shtatori.
Në Gjermani tashmë regjistrimi i klientëve është i detyrueshme në shumë shtete federale. Që nga e hëna, të gjithë mysafirët që vizitojnë ndonjë restorant apo kafene në Vjenë duhet të regjistrohen sapo të hynë brenda. Kjo rregullore ka për qëllim të lehtësojë zbulimin e personave të kontaktit në rast të infeksioneve me Covid -19, shkruan heute.at.
Formularët do të jenë në dispozicion në të gjitha restorantet dhe kafenetë dhe pritësi (nikoqiri) e ka për detyrë të këshillojë çdo vizitor që të regjistrohet, përcjell Albinfo Austria.
Përveç emrit, mbiemrit, numrit të telefonit dhe adresës së postës elektronike, lokalet e gastronomisë duhet të shënojnë edhe numrin e tavolinës së mysafirit dhe kohën e vizitës.
Për më tepër, çdo restorant duhet të emërojë një person kontakti për autoritetet shëndetësore, të cilët, në rast të një infeksioni, do të japin të dhënat për zbulimin e kontaktit (d.m.th. kërkimi i personave të kontaktit).
Të dhënat ruhen për katër javë për autoritetet shëndetësore dhe pastaj fshihen. Nuk ka rëndësi nëse është dixhitale apo në letër. Sidoqoftë, nikoqirët nuk lejohen t’i përdorin ato për qëllime të tjera. Të dhënat duhet t’u dorëzohen autoriteteve shëndetësore vetëm në rast të një infeksioni.
Në rast të refuzimit nga klienti, nikoqiri ka dy mundësi. Të shfrytëzojë të drejtat e tij shtëpiake dhe e dëbon mysafirin nga lokali ose t’i lejojë atij akses pa të dhëna, transmeton Albinfo Austria.
Në rast të ndonjë infeksioni dhe që nikoqiri nuk ka mundur t’ua sigurojë të dhënat autoriteteve, atëherë restoranti në fjalë do të ndëshkohet me dënim.
E-Diaspora
-
Shqipja flitet më shumë në Cyrih, Winterthur, Bazel dhe St. Gallen Gjuha shqipe është njëra ndër gjuhët më të popullatizuara në Zvicër. Shqipja flitet veçanërisht gjerësisht në...
-
Nagavci: Mësimi i gjuhës shqipe në diasporë ka vlerë jashtëzakonisht të madhe
-
Gërvalla takon mërgatën në Stuttgart, i fton të marrin pjesë në regjistrimin e popullsisë
-
Gjuha shqipe, gjuha e huaj më e folur në Zvicër – pas anglishtes
-
Bashkimi i shkollës shqipe në Zvicër, një lajm i mirë për të gjithë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë