Lajme

Regjistrimi i diasporës vazhdon deri në fund të gushtit

E enjte, 8 Gusht 2024 - 12:00 albinfo.ch

Diaspora e Kosovës ka mundësi edhe rreth 20 ditë që të marrë pjesë në procesin e regjistrimit të popullsisë në Kosovë. Regjistrimit online i qytetarëve të Kosovës jashtë vendit vazhdon deri më 31 gusht.

Ministria e Jashtme e Kosovës i bën thirrje diasporës që të shfrytëzojë të drejtën e saj dhe të marrë pjesë në këtë proces.

“Regjistrimi i popullsisë është një ndër proceset më të rëndësishme zhvilimore të vendit, kurse diaspora jonë është pjesë e pandashme e këtij procesi“, thekson Ministria e Jashtme e Kosovës.