Regjistrimi nuk përfundon në të gjitha komunat në Kosovë

Prishtina, Parteshi, Kllokoti, Decani dhe disa komuna te tjera do ta vazhdojnë regjistrimin deri të martën

Nuk del ashtu sic ishte parashikuar. Regjistrimi i popullsisë nuk do të përfundojë në të gjitha komunat. Kjo për shkak se kryeqyteti i Kosovës ka një numër të madh banorësh, ndërsa në komunat tjera nuk kanë mundur të përfshihen gjithë banorët në këtë proces.

Nuk ka pasur mbulim të plotë dhe për hir të kësaj është shtyrë afati deri të martën ka thënë kryesuesi i komisionit qendror për regjistrimin e popullsisë Rifat Blaku.

Sipas tij, në shumicën e komunave tashmë ka përfunduar procesi i regjistrimit. Gjatë një konference për shtyp, nuk u dha numri i atyre që deri më tash janë regjistruar përderisa sipas tyre nuk bëhet një analizë më e saktë.

Rezultatet preliminare, siç u tha, pritet të jepen në qershor të këtij viti, ndërkohë ato përfundimtare, sipas zyrtarëve, do të bëhen publike në maj 2012.

Po ashtu, edhe veriu i Kosovës, i cili menaxhohet nga UNOPS, do të regjistrohet njëjtë, por nuk u dha një afat kur do të ndodhë.