Tematike
Riintegrimi në Kosovë shumë i vështirë
Me rastin e festës shtëterore zvicerane të 1 Gushtit, Televizioni shtetëor zviceran SRF ka treguar një reportazh mbi ate se si qytetarët e dyfishtë zvicerano-shqiptarë e përjetojnë fillimin e muajit gusht në vendlindjen tjetër të tyre.
Me rastin e festës shtëterore zvicerane të 01 Gushtit, Televizioni shtetëor zviceran SRF ka treguar një reportazh mbi ate se si qytetarët e dyfishtë zvicerano-shqiptarë e përjetojnë fillimin e muajit gusht në vendlindjen tjetër të tyre. Aktualisht, në Zvicër vlerësohet se jetojnë rreth 150.000 kosovarë. Në mes të stinës së verës, Zvicra është dukshëm më e zbrazët dhe shumë kosovarë kanë shkuar në atdheun tjetër të tyre. SRF ka vizituar Kosovën dhe një familje nga Kantoni i Bernës, të cilët i ka intervistuar. Qytetari i dyfishtë Ilir Sulejmani është dhëndrri, ai ka lindur në Bernë dhe pretendon se tani e njeh Zvicrën më mirë se Kosovën. “Ka momente kur unë jam zviceran dhe ka momente kur unë jam më shumë shqiptar”, ka pohuar Iliri për SRF, përcjell Albinfo.ch.
Edhe e fejuari e tij, Shkurte Berisha përpiqet t`i bëjë së bashku dy traditat dhe kulturat. Ajo ka lindur në Kosovë dhe është e rritur me kulturën e saj. Kur arriti në Zvicër, ajo i parashtroi vetvetes pyetje se cilës i përkiste. Gjithmonë ka lëvizje reciproke midis dy vendeve.
Kur Ilirin e pyetën nëse e feston Një Gushtin në Kosovë, ai përgjigjet: “Përderisa jemi në Zvicër, me siguri se e festojmë me miqtë dhe familjarët gjatë një darke dhe më vonë i vëzhgojmë fishekzjarret. Këtu në Kosovë, natyrisht se nuk e festojmë”.
Megjithatë, 1 Gushti edhe mund të vërehet në Kosovë
Qytetari i dyfishtë zvicerano-shqiptar, Remzi Reka është takuar për festën me ambasadorin dhe përfaqësues të tjerë të angazhuar në Kosovë, në një restorant ku mbi çatinë e tij ishte vendosur një flamur i Zvicrës që valëvitet pa ndërprerë. Pensionisti shqiptar është kthyer në vendlindjen “tjetër” të tij para tre vitesh. Fillimisht e kishte shumë të vështirë të reintegrohej në Kosovë, bile i është dukur shumë më vështirë se sa atëbotë vet integrimi në Zvicër. “Nëse dua të ndryshoj diçka, askush nuk tregon interes, duke arritur në atë pikë sa që Zvicra dhe ligjet e saj të rregulluara më mungojnë shumë. Ndonjëherë ndjehem i pafuqishëm, sepse thjesht nuk mund të përmirësoj asgjë”. Remzi Reka mbetet optimist, ai nuk dëshiron të heqë dorë dhe vazhdon të përpiqet.
Behgjet Pacolli dikur ishte një punëtor mysafir në Zvicër. Sot ai është një biznesmen i suksesshëm dhe ministër i Jashtëm në Kosovë. Qytetari i dyfishtë është krenar me pasaportat zvicerane dhe kosovare. Kur u pyet se çfarë është zvicerane për të, ai përgjigjet: “Puna ime. Unë jam shumë i saktë dhe punoj me rregulla të qarta, kjo është ajo që kam mësuar në Zvicër”.
Kthehemi tek Iliri ynë dhëndërr. Ai kurrë nuk kishte përjashtuar martesën me ndonjë vajzë të kombësisë tjetër. Për te, shumë më praktike ka qenë nëse në krahët e tij do të qëndronte ndokush që e kupton kulturën, traditën dhe gjuhën e tij. Bashkëshortja e tij Shkurtja, gjithashtu është e hapur për një kulturë të ndryshme. “Për shembull, nëse ju bini në dashuri në një zviceran, ju nuk keni zgjidhje. Kjo ndodh thjesht dhe nuk mund të shikoni në kombësi”. Pasi si dy qytetarë të dyfishtë janë bashkuar përmes dashurisë, ata e festojnë martesën e tyre të lumtur, duke u përpjekur të ruajnë një pjesë të traditave kosovare. SRF dhe Albinfo.ch, çifit të ri i dëshirojnë gjitha të mirat.
Të ngjashme
Të tjera nga Tematike
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër