Shkurt.ch

Rekord: 1.2 miliard smartphone të shitura më 2014

Telefonat e „zgjuar” smartphone janë më të kërkuarit në treg. Më shumë se 1.2 miliard njësi janë shitur më 2014 në mbarë botën. Shitjet rekord kanë regjistruar 115 milionë dollarë profit. Megjithatë, tregu duket të mos jetë „ngopur”.
Shitjet e telefonave „smartphone” kanë regjistruar për herë të parë shifrën 1 miliardëshe vitin e kaluar. Në gjithë botën më 2014 ishin shitur më shumë se 1.2 miliard copë, tha kompania për hulumtimin e tregut GfK. Një vit më parë shifra ishte më pak se 1 miliard, ose 998 milionë

Prodhuesit e pajisjeve kanë regjistruar profit nga shitjet rekord 115 milionë dollarë në tremujorin e katërt. Bëhet fjalë për 20 për qind më shumë se në të njëjtën periudhë të vitit të kaluar. Nga tetori deri në dhjetor pothuajse janë shituar 346 miilonë njësi (19 për qind) në mbarë botën.

Rritja më e madhe është raportuar në Amerikën Latine. Kina, megjithatë, mbetet tregu me shitjet më të mëdha të telefonave smartphone. Për Evropën Perëndimore studiuesin e tregut kanë llogaritur rritjen e shitjeve më 2014 nga 6.4 për qind, në 145.8 milionë smartphone të shitura.