Rekord historik për Shqipërinë, vizitohet nga 12 milionë turistë për 11 muaj

@pixabay

Mbi 12 milionë vizitorë për vetëm 11 muaj. Ky është rekordi historik që këtë vit e ka shënuar Shqipëria. Të dhënat zyrtare të Institutit të Statistikave tregojnë se kjo shifër ka tejkaluar me rreth 8 % numrin e turistëve që kanë hyrë në Shqipëri në vitin 2019, që vlerësohet si një ndër periudhat më pozitive të turizmit në vend para pandemisë.

Statistikat tregojnë se ardhja e turistëve tashmë është shtrirë edhe në stinë të tjera përtej verës. Sipas të dhënave të Instat hyrjet e shtetasve shqiptarë dhe të huaj në territorin shqiptar, në muajin nëntor 2022, janë mbi 808 mijë, ky tregues rezulton me një rritje 47,4 %, krahasuar me nëntor 2021, transmeton abcnews, përcjell albinfo.ch.

Gjatë 11 mujorit 2022, nga vendet që kanë hyrjet më të larta të shtetasve në Shqipëri janë Spanja dhe Anglia.