Rikthehen kolonat, pritje të gjata në vendkalimin kufitar në Merdar

Foto nga arkivi

Në vendkalimet kufitare të Kosovës me Serbinë kanë filluar të krijohen kolona të automjeteve dhe pritje të gjata të bashkatdhetarëve që po kthehen nga pushimet në Kosovë.

Në raportin e Qendrës Kombëtare për Menaxhimin Kufitar të mëngjesit të sotëm (ora 08:15), bëhet e ditur se në vendkalimin kufitare në Merdar po pritet deri në 60 minuta për të dalë nga Kosova.

Pritje për të dalë nga vendi ynë ka edhe te Dheu i Bardhë, ku bashkatdhetarët po presin deri në 20 minuta.

Në vendkalimet e tjera kufitare nuk ka pritje më të gjata se 03-05 minuta për të hyrë dhe për të dalë nga Kosova.