Rikthim i fuqishëm i Shaqirit

Xherdan Shaqiri ka luajtur nga minuta e parë kundër Liverpoolit dhe ka bërë një asistim. Ai shënoi gol, por iu anulua për shkak të pozitës jashtë loje

Xherdan Shaqiri më në fund iu është rikthyer fushave të gjelbra për skuadrën e tij angleze, Stoke City. Ndeshja e fundit e Shaqiri me skuadrën angleze ishte në janar ndaj Manchester United, shkruan albinfo.ch.

Shaqiri ishte nga minuta e parë në takimin ndaj Liverpoolit. Ylli shqiptar madje shënoi në minutën e tretë, por goli i tij u anulua për shkak të pozitës jashtë loje.

Sidoqoftë, Shaqiri la gjurmë në këtë ndeshje, duke asistuar për Walters, që i dha epërsinë Stoke Cityt.

Megjithatë, në pjesën e dytë, Liverpooli bëri përmbysjen dhe fitoi me rezultat 2:1.