Muzikë
Rita Ora flet për racizmin dhe jetën si emigrante
Këngëtarja shqiptare me famë botërore ka reaguar së fundmi për racizëm. Në një nga postimet në Instagran, Rita Ora flet për eksperiencën e saj si emigrante. Familja e saj la Kosovën për arsye politike dhe u vendosën në Londër në vitin 1991, kur ajo ishte vetëm një foshnjë.
Duke marrë parasysh situatën aktuale në Amerikë, me luftën kundër racizmit, ajo vendosi të fliste për eksperiencën e saj – se si emigrantët përballen me racizmin. Në shkrimin e saj të gjatë, ajo shkruan për fëmijërinë e saj së pari.
“Sa shumë e doja kamerën që kur isha fëmijë! Uroj që ky postim t’ju bëjë të buzëqeshni, teksa shihni jetën e një fëmijë të vogël e të shkujdesur. Kjo është ajo që meritojnë të gjithë, një shans për të pasur një jetë të mirë dhe një mundësi për të qenë të lumtur. Gjërat e thjeshta që na bëjnë të ndihemi të sigurt. Këto janë kujtimet që do të mbajmë mend dhe momentet që na kanë bërë atë që ne jemi sot”.
Më pas artistja vazhdon të përshkruajë, sepse ikja nga Kosova dhe qëndrimi në Londër ishte i vështirë.
“Mbaj mend që duhet të shihja dhe të isha dëshmitare në shumë gjëra, thjesht që të mund të përfshihesha, thjesht që vajza refugjate të bënte pjesë në grupin e vajzave të tjera gjatë lojës. Por, kur shkoja në këtë park, ndihesha e lirë! Racizmi, mënyra se si emigrantët dhe refugjatët janë trajtuar! Ne s’mund të na justifikojë ngjyra e lëkurës sonë apo prejardhja. Ne jemi një racë. Raca e qenies humane. Jepuni fëmijëve një vend ku të ndihen të lirë!”
Më poshtë postimi i plotë i këngëtares, ku ka përfshirë foto dhe video nga fëmijëria e saj, përcjell albinfo.ch.
E-Diaspora
-
Shkolla shqipe në SHBA, me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe