Kosova

Rock United Fest, në Prishtinë më 6 dhe 7 shtator

Qëllim i këtij festivali është që të vazhdojë tradita e rockut

E Mërkurë, 14 Gusht 2019 - 13:42 albinfo.ch

Më 6 dhe 7 shtator 2019 do të mbahet Festivali Rock United në Amfiteatrin e Pishinës së Gërmisë.

Rock United është projekt që bashkon grupet e muzikës rock dhe fansat nën moton “Një për të gjithë, të gjithë për Rock”.

Qëllimi kryesor i këtij festivali është që të vazhdojë tradita e rockut, e cila në Kosovë ka nisur qysh nga vitet e gjashtëdhjeta, njofton Klan Kosova, përcjell albinfo.ch.

Gjatë 2 mbrëmjeve të festivalit në Gërmi do të marrin pjesë 12 grupe nga Kosova, Shqipëria dhe Maqedonia.

MBRËMJA E PARË:

The Mole Pack, Zwada, Vini e Veni, Gillespie, Purgatory, kurse për mbylljen e natës së parë janë grupi legjendar kosovar Grupi 403, për të cilët kjo natë do të jetë kulminacioni i karrierës së tyre.

MBRËMJA E DYTË:

Proximity Mine, Jutbina, Këpurdhat, Trampolinë, PeterPan Quartet, dhe natën e dytë të festivalit do ta përmbyllë grupi i njohur Elita 5, të cilët i rezistuan kohës për 30 vite, duke i qëndruar besnikë muzikës rock, me shumë hite të njohura dhe performanca të paharruara.

Biletat mund t’i gjeni në Prishtinë si dhe në të gjitha qytetet e tjera.

 Të ngjashme

14 vendet ku mund të udhëtoni pa vizë me pasaportë të Kosovës

 Të tjera nga Kosova

Gazetari ndërkombëtar: Unë i kam të dokumentuara të gjitha krimet në masakrën e Reçakut

 E-Diaspora

 Jeta në Zvicër