Rregullat për Ishullin e Sazanit

Ky ishull do të jetë për herë të parë i hapur për vizitorë, derisa nga mediat ndërkombëtare është përshkruar si misterioz, pasi ende nuk dihet saktësisht se çka ka në të, pse nuk jetojnë njerëzit, çfarë armë ka pasur, ndërtesat e saj e shumëçka tjetër

Nëse dëshironi të vizitoni Ishullin e Sazanit, që është përshkruar si misterioz, duke ndjekur disa rregulla, që janë bërë të ditura nga Ministria e Zhvillimit Ekonomik dhe Turizmit, njofton albinfo.ch.

Ky ishull do të jetë për herë të parë i hapur për vizitorë, derisa nga mediat ndërkombëtare është përshkruar si misterioz, pasi ende nuk dihet saktësisht se çka ka në të, pse nuk jetojnë njerëzit, çfarë armë ka pasur, ndërtesat e saj e shumëçka tjetër.

Ishulli do të jetë i hapur për vizitorët nga maji deri në tetor 2017, brenda orarit 08:00 – 19:00. Gjatë vizitave, turistët duhet të jenë gjithmonë të shoqëruar dhe nuk mund të dalin jashtë hapësirave të lejuara nga Ministria e Mbrojtjes. Operatorët turistikë që organizojnë ture ditore duhet të venë në dispozicion të grupeve turistike një person të ngarkuar për shoqërimin e tyre, bëjnë të ditura mediat shqiptare.

Në Ishullin e Sazanit ndalohen:

Ndërtimet e reja, si edhe punimet publike ose private;

Qarkullimi dhe qëndrimi i mjeteve motorike jashtë vendeve të parashikuara për këtë qëllim, me përjashtim të mjeteve të shërbimit dhe të sigurisë;

Veprimtaritë tregtare që me përjashtim të atyre që sigurojnë mbrojtjen dhe promovimin e Ishullit të Sazanit;

Aktivitetet e zhytjeve, me përjashtim të zonave të lejuara për këtë qëllim.