Lajme

Rrëshqitje e dheut: Linja SBB Bernë-Lozanë ndërpritet deri të hënën

dhëtarët që duan të udhëtojnë nga Gjeneva dhe Lozana për në Cyrih, Bernë, Bazel dhe Lucern rekomandohen të përdorin linjën hekurudhore përmes Biel-Bienne

Pas rrëshqitjes së dheut që ka ndodhur të premten në mëngjes në La Conversion (VD), linja hekurudhore Bernë-Friburg-Lozanë pritet të ndërpritet derisa të fillojnë ndërhyrjet e nevojshme, të hënën në mëngjes.

Zëdhënësi i SBB, Frédéric Revaz ka bërë këtë njoftim të shtunën për agjensinë e lajmeve Keystone-SDA.

Për pasojë, të gjithë trenat në këtë itinerar janë anuluar, transmeton albinfo.ch. Udhëtarët që duan të udhëtojnë nga Gjeneva dhe Lozana për në Cyrih, Bernë, Bazel dhe Lucern rekomandohen të përdorin linjën hekurudhore përmes Biel-Bienne.

Udhëtarët nga Payerne VD dhe Freiburg do të udhëtojnë përmes Yverdon VD. Për transportin regjional do të futen në funksion autobusët e zëvendësimit midis Lozanës dhe Palézieux .

Rrëshqitja e dheut ka ndodhur të premten rreth orës 5.20 të mëngjesit në La Conversion para Lozanës në një nga linjat kryesore të SBB, përcjell albinfo.ch. Rreth 150 metra kubë dhè kanë mbuluar shinat, duke i bërë ato të pakalueshme.