Lajme
Rrezikohen ekosistemet në Mesdhe prej temperaturave të larta
Temperaturat e larta në gjithë Evropën këtë muaj kanë shkaktuar një valë të zgjatur të të nxehtit në Detin Mesdhe që mund të shkatërrojë ekosistemet dhe të vrasë disa specie në javët e ardhshme, kanë paralajmëruar shkencëtarët.
Nxehtësia ekstreme në javët e fundit tashmë ka shkaktuar zjarre dhe ka çuar në mijëra të vdekur në Evropë, raportoi Reuters.
Ajri më i ngrohtë, së bashku me ndryshimin e rrymave të oqeanit ngrohën ujërat bregdetare të Mesdheut disa gradë Celsius mbi temperaturën mesatare prej 24 gradë Celsius në 26 gradë Celsius për këtë periudhë të vitit.
Ujërat midis Ishujve Balearik të Spanjës dhe bregdetit italian ishin deri në pesë gradë Celsius më të ngrohta se në të njëjtën kohë të vitit të kaluar, njoftoi sot Agjencia Meteorologjike Spanjolle AMET.
Autoriteti Portual Spanjoll tha se uji në Cabo de Gata, në juglindje të vendit, arriti një rekord dhjetëvjeçar prej gati 28 gradë Celsius të hënën.
Eksperti i oqeanit Jean-Pierre Gattuso tha për Agjencinë Britanike të Lajmeve se më 25 korrik, temperatura e ujit e matur pranë qytetit bregdetar francez të Nisë ishte 29.2 gradë Celsius – rreth 3.5 gradë Celsius më e lartë se e njëjta ditë e vitit të kaluar.
Valët e të nxehtit detar goditën Mesdheun nga viti 2015 deri në vitin 2019, duke çuar në vdekje masive të jetës detare, sipas një studimi të kësaj jave nga Instituti i Shkencave Detare të Spanjës./Euronews
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Bie numri i sulmeve në bankomatë Numri i sulmeve ndaj bankomateve në Zvicër pothuajse është përgjysmuar brenda një viti. Policia federale regjistroi...
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë