Bota

Rritet numri i të vdekurve nga tërmeti në Iran dhe Irak

Gjendja në kufirin ndërmjet Iranit dhe Irakut nuk është aspak e mirë, derisa mijëra njerëz e kanë kaluar edhe natën e dytë në tendat e improvizuara ose nën qiellin e hapur.

Autoritetet konsiderojnë se nuk ka shpresa për gjetjen e të mbijetuarve eventualë, nga tërmeti i fuqishëm që e ka goditur rajonin afër kufirit Iran-Irak, nga i cili kanë humbur jetën më shumë se 437 persona, përcjell albinfo.ch.

Por, gjithashtu edhe numri i të lënduarve është i madh dhe raportohet të jetë më shumë se 7 mijë persona.

Agjencitë perëndimore të lajmeve, “Reuters” dhe “AFP”, kanë raportuar se autoritetet e kanë ndalur pjesën më të madhe të operacioneve të shpëtimit duke thënë se vështirë se mund të gjenden të mbijetuar të tjerë nga tërmeti i pardjeshëm.