Thellimi i krizës Covid mund të çojë në vetëvrasje të adoleshentëve

Keystone

Pandemia dhe masat e marra nga autoritetet për ta luftuar atë kanë përkeqësuar ndjenjat e vetmisë, trishtimit dhe ankthit te fëmijët, thotë kryepsikologu në Spitalin e fëmijëve në Cyrih, ku ka dy herë më shumë përpjekje për vetëvrasje nga të rinjtë që u regjistruan në vitin 2020, se sa para një viti.

Një total prej 49 fëmijësh u trajtuan në spital pas përpjekjeve për vetëvrasje në vitin 2020, krahasuar me 22 fëmijë në vitin 2019, tha Markus Landolt, një nga ekspertët kryesorë të Evropës në psikotraumatologjinë e fëmijëve.

Deri më tani këtë vit ka pasur 21 raste, tha Landolt për gazetën NZZ am Sonntag, përcjell albinfo.ch.

Megjithëse akoma nuk ka studime shkencore që lidhin pasojat e pandemisë me rritjen e mprehtë të përpjekjeve për vetëvrasje, eksperti tha se kishte indikacione se kriza shëndetësore sillte shumë stres te fëmijët, të cilët varen nga përvojat sociale. Kjo ka qenë e vështirë për shkak të kufizimeve”.

Përballë kufizimeve në jetën e tyre shoqërore dhe të shqetësuar për të ardhmen e tyre, pandemia po u shkakton dëm të rinjve zviceranë. Pacientët ishin tipikisht në adoleshencë dhe përfaqësonin të gjitha klasat socio-ekonomike. Shumica ishin femra.

“Vajzat i brendësojnë problemet shumë më tepër sesa djemtë, të cilët priren të reagojnë nga jashtë, për shembull, me agresion”, shpjegoi psikologu.

Shumica ishin “shumë të dëshpëruar” dhe kishin vepruar me impuls. Pacientët ishin duke përjetuar situata të vështira familjare dhe madje dhunë, kishin frikë për të ardhmen e tyre, ose ishin viktima të ngacmimit dhe përjashtimit shoqëror. Spitali gjithashtu pa një rritje të konsiderueshme në numrin e pranimeve të adoleshentëve me çrregullime psikosomatike midis nëntorit 2019 dhe marsit 2020 – që korrespondon afërsisht me valën e dytë të pandemisë në Zvicër – krahasuar me të njëjtën periudhë të vitit të kaluar, përcjell tutje albinfo.ch.