Portrete të firmave
Rruga e sukseseve e Tahir Malokit
Nëse projekti arrihet të kryhet në kohën e paracaktuar, koston e projektuar dhe kualitetin e kërkuar, atëherë klientët janë të kënaqur
Për më shumë se dy dekada Tahir Maloki jeton në Zvicër. Shqiptari me prejardhje nga Ferizaj, i zhvendosur që në moshë të re në Zvicër ka shfrytëzuar mundësinë e dhënë të shkollimit duke arritur kështu titullin e menaxhuesit të ndërtimeve që mban aktualisht.
Për albinfo.ch. Maloki përshkruan rrugëtimin e tij jetësor që nga ajo kohë e deri te suksesi i tij.
“Si fëmijë tetë vjeçar, më 1995 kemi ardhur në Zvicër. Shkollimin këtu e kam nisur nga klasa e tretë, për të vazhduar pastaj me shkollën e mesme”, shprehet menaxheri i ndërtimeve.
Shkollimin e ka vazhduar edhe më tutje, në mënyrë që arrijë përgatitjet e duhura për profesionin që synonte. “Pas përfundimit të shkollës së mesme, kam vazhduar praktikën në një profesion të drurit e pastaj kam mbaruar shërbimin ushtarak në ushtrinë zvicerane”, tregon Maloki.
Megjithatë, rruga drejt suksesit ishte e gjatë e me sfida të tjera. “Me përfundimin e ushtrisë për disa vjet kam punuar e pastaj kam nisur studimet për tregti teknike”, thotë ai.
Përgjatë viteve Tahir Maloki ka ushtruar këtë profesion derisa, mori vendimin për të themeluar kompaninë e tij për menaxhim të ndërtimit. “Që prej vitit 2016 merrem me menaxhim të ndërtimeve”, tregon Maloku që menjëherë atë vit fitoi projektin e tij të parë. “Projekti i parë, si projekt-menaxher ka qenë projekti “GreenWater” në Stäfa të Cyrihut, dy objekte me pesë banesa banimi”.
Atij, sot e kësaj dite, profesioni i sjell të papritura e zhvillime që prekin jetën e qytetarëve.
“Kur merresh me patundshmëri dhe ndërtim, automatikisht duhet të trajtosh tema si politike dhe ekonomike për të gjithë botën. Lufta, pandemia dhe shumë zhvillime të tjera kanë ndikimin e tyre në çmimet dhe materialet e ndërtimeve. E të gjitha këto prekin edhe qytetarët pasi kjo ndikon edhe në interesin e hipotekave dhe kreditit ndërtimor” shprehet ndërtuesi shqiptar për albinfo.ch.
Tregu zviceran është i vështirë, por puna cilësore e Tahir Malokit është vërejtur qysh në fillim.
“Natyrisht që në fillim isha pak skeptik dhe i pasigurt. Mirëpo, shpejt e kam fituar besimin. Bashkëpunimi shumë i mirë dhe harmonia me investitorët apo partnerët është e rëndësishme. Prej meje kërkohen gjithmonë tri gjëra: koha, kostoja dhe kualiteti”. Nëse projekti arrihet të kryhet në kohën e paracaktuar, koston e projektuar dhe kualitetin e kërkuar, atëherë klientët janë të kënaqur”, sqaron tutje Maloku.
Në rrugëtimin e tij drejt suksesit patjetër që rol ka luajtur edhe komuniteti shqiptar në Zvicër.
Rritet numri i kompanive shqiptare
“Bashkëpunimi me shqiptarë ka qenë i mirëfilltë që prej fillimit të punës. Në vitet e fundit në industrinë e ndërtimit në Zvicër po ashtu është rritur numri i kompanive me pronarë shqiptarë dhe punëtorë shqiptarë. Edhe pse ligjet dhe kontratat me çdo kompani bëhen me ligjet e tregut dhe në bazë të SIA-s, bashkëpunimi me kompanitë shqiptare zhvillohet me lehtësi”, tregon Tahir Maloku për albinfo.ch.
Zürcherstrasse 133
8952 Schlieren
Bösch 80A
6331 Hünenberg
- [email protected]
- +41 79 253 36 50
Biografi e shkurtë:
- Emri e mbiemriTahir Maloku
- Prejardhja:Ferizaj
- Vendi ku vepron:Zvicër
- Profesioni:Menaxhues i ndërtimit
Të tjera nga Portrete të firmave
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h